DIY Craft stores in Tokyo
寫 Blog 係 509 Art Deco 2016年其中一個年度項目, 本來 timeline 應該係年頭架, 但一直都忙著忙著。。。。。 今日終於扚起心肝開左第一篇lu～～～
Blog 既主題會以 Art, Craft, Lifestyle & design 為主， 希望可以與大家分享所知所見。
日本手藝材料店介紹
今日就講下香港以外購買材料既好去處啦！
呢2間手工藝材料店位於日本東京 -【Tokyo Hands】﹠【okadaya】
【Tokyo Hands】
熟識日本既香港人好多都會知道【Tokyo Hands】既存在， 識貨之人亦會知道佢地賣既雜貨文具琳琅滿目，叫人愛不惜手！！！
不過總有朋友未曾見識過「佢」令荷包立即乾涸既威力， 所以都一定要介紹下！！
在關東暫時大概有17間, 每間手作材料既種類都好多, 隨便行入一間, 就算唔買見到都赏心悦目. 無論由小至膠紙到大型木材及手動機器, 通通都填滿 Tokyo Hands每個角落.
仲有呀!!! 有多手工藝器材及配件係香港未必有得賣架, 就算有都可能好貴. 所以建議可以走去 promotion counter睇下有咩新品上市.
Tokyo Hands 早幾年開左一條副線叫 "Hands be"~~
係售賣文具雜貨既專屬店舖, 主攻女性既 Lifestyle 流行物及美容系列的產品為賣點.
【okadaya】
呢間位於新宿既手藝材料店 ﹣ 「okadaya shinjuku」。 雖然品牌無【Tokyo Hands】甘大型, 但亦唔係一間地舖甘簡單 ，因為佢係共有5層既手工藝材料旗艦店。 每層售賣既種類不同, 但每種商品同樣無論顏色或尺寸都又多又齊備.
尤其鍾意編織既你, 真係要準備 "彈葯" 呀!!!! 因為d冷針顏色選擇多以外, 冷針套裝款式係香港也未必能買到, 而且仲係香港既 30%-50% 價錢咋!!!!!
